کراچی : سندھ کے دارالحکومت کراچی کے مختلف علاقوں میں فائرنگ کے واقعات میں ڈاکٹر سمیت 3افراد ہلاک جب کہ جوہر آباد میں ایک ڈاکو اپنی ہی گولی لگنےسے ماراگیا۔
لانڈھی بابر مارکیٹ میں نامعلوم افراد نے فائرنگ کر کے ہومیو پیتھک ڈاکٹر حبیب الرحمٰن کو موت کے گھاٹ اتار دیا۔
دوسری جانب بلدیہ ٹاؤن سعید آباد میں موبائل فون شاپ پر ڈکیتی کے دوران مزاحمت پرملزمان کی فائرنگ سے دکان کا مالک سلمان ہلاک ہوگیا۔
ڈاکوؤں کی فائرنگ اور دکاندار کا شور سن کر علاقہ مکین موقع پر جمع ہوگئے اورانہوں نے تعاقب کرکے ایک ڈاکو کو پکڑلیا جسےشہریوں نے زدو کوب کرنے کے بعد پولیس کے حوالے کر دیا،ملزم کا ایک ساتھی موقع سے فرار ہونے میں کامیاب ہوگیا۔
دوسری جانب جوہر آباد میں ڈکیتی کی ایک اور واردات کے بعد فرار ہونے والا ڈاکو اپنے ہی پستول سے گولی چل جانے کے باعث ماراگیا۔
علاوہ ازیں کراچی کے ہی علاقے عائشہ منزل میں فائرنگ سے ایک شخص ہلاک ہوگیا، عینی شاہدین کے مطابق ملزمان نشانہ ور قاتل تھے۔
0 comments:
Post a Comment