اسرائیلی صدر کے دفتر سے جاری ہونے والے ایک بیان کے مطابق قیدیوں کی رہائی کے عمل پر کام شروع کر دیا گیا ہے۔
اتوار کی صبح مغوی فوجی کی رہائی کے بدلے رہا کیے جانے والے قیدیوں کی فہرست جاری کی گئی ہے۔
فلسطینی قیدیوں کی رہائی پر اگر کسی اسرائیلی شہری کو اعتراض ہو گا تو وہ رہائی سے اڑتالیس گھنٹے پہلے اعلیٰ عدلیہ سے رجوع کر سکتا ہے تاہم نامہ نگاروں کا کہنا ہے کہ عدالت رہائی کے عمل کو نہیں روکے گی کیونکہ اسے وسیع تر عوامی حمایت حاصل ہے۔
پہلے مرحلے میں منگل کو چار سو پچاس فلسطینی قیدیوں کو رہا کیا جائے گا اور اسرائیلی فوجی گیلاد شالت کی رہائی کے بعد مزید پانچ سو ستتر فلسطینی قیدیوں کو رہا کیا جائے گا۔
سال دو ہزار چھ میں انیس سالہ سارجنٹ شالت سرحد پر ہونے والی ایک جھڑپ میں پکڑے گئے تھے اور ان کا کیس اسرائیل میں بہت مشہور ہو گیا تھا۔
گزشتہ منگل کواسرائیلی وزیرِاعظم بنیامن نیتن یاہو نے اعلان کیا تھا کہ فلسطینی شدت پسند گروہ حماس اور اسرائیل کے درمیان مغوی اسرائیلی فوجی گیلاد شالت کی رہائی کا معاہدہ ہو گیا ہے۔
نامہ نگار کے مطابق بظاہر یہ معاہدہ کرانے میں مصر نے اہم کردار ادا کیا ہے۔
اسرائیل کی جیلوں میں تقریباً چھ ہزار فلسطینی قید ہیں۔
غزہ میں بی بی سی کے نامہ نگار کا کہنا ہے کہ پانچ سال کے بعد آخر کار اسرائیل کو اس کیس میں کامیابی حاصل ہوئی ہے۔
0 comments:
Post a Comment