ورجینیا: پاکستان کی معروف فلم اسٹار اداکارہ ریما 18نومبر کو ڈاکٹر طارق شہاب کے ساتھ رشتہ ازدواج میں منسلک ہوجائیں گی۔
نمائندے کے مطابق اداکارہ ریما اور ڈاکٹرطارق شہاب کے نکاح کا دعوت نامہ ڈاکٹر اکمل خان کی جانب سے مخصوص لوگوں کو جاری کیا گیا ہے۔
دلچسپ بات یہ ہے کہ اس دعوت نامے میں دلہن کا نام نہیں لکھا گیا، ڈاکٹر طارق شہاب کے قریبی ذرائع نے مذکوہ شادی کی تصدیق کرتے ہوئے بتایا ہے کہ ریما اور طارق شہاب کا تقریب نکاح واشنگٹن کے قریبی ریاست ورجینیا کے ایک ہوٹل میں 18نومبر کو جمعہ کی شام رکھا گیا۔
ذرائع کا کہنا ہے کہ تقریب میں شریک افراد کو اس بات کا خصوصی طور پر پابند کیا گیا ہے کہ وہ کیمرے نہ لائیں۔
انہوں نے یہ بھی بتایا کہ دونوں خاندانوں کی رضا مندی کے بعد شادی طے پائی ہے تاہم ایک جانب سے اسے خفیہ رکھنے پر اصرار کیا گیا ہے۔
واضح رہے کہ ڈاکٹر طارق شہاب کارڈیا لوجسٹ ہیں اور کراچی میں واقع ڈاؤ میڈیکل یونیورسٹی میں طالب علم رہنما رہ چکے ہیں اور اس وقت ورجینیا میں مقیم اور وہی اپنی پریکٹس جاری رکھے ہوئے ہیں، طارق شہاب طلاق یافتہ ہیں اور ریما کے ساتھ ان کی یہ دوسری شادی ہے۔
پاکستانی فلم اسٹار ریما اور ڈاکٹر طارق کا افیئر طویل عرصے سے چل رہا تھا، اب سے 6ماہ قبل بھی ایک امریکی اخبار نے ان دونوں کی شادی ہونے سے متعلق خبر دی تھی تاہم ان کے خاندان والوں نے اس اطلاع کو من گھڑت قرار دیا تھا۔
0 comments:
Post a Comment